Кўзгу

Токи, сенинг кўнглинг Яхлит ва Ягона кўзгунинг синиқ бир парчаси эканлигини тасаввурингга сиғдирмас экансан ўзлигингга етолмайсан. Кўнгил синишга мойил, унда мавжудлик жамолининг сирли акси дилдираб туради. Кўриш насиб этармикан?! Яро қиррасида бурдаланган ҳаёт парчалари синча нур ичади. У синиқ ҳолатда жилва сочади, бутунлик қайғусида осмон ойнасига туташмоққа умид боғлайди. Синиқлик дардида қонталош бўлган жонинг азобини кўнглинг кўзгуси ошкор этишига кўникиб яшайсан. Ойна гардишида руҳинг сояси.

Муслима Ҳамроз
28.06.2025 йил