Еру Осмон

Чексиз ва абадият оламида мавҳумот пардасига бурканган дунё. Ерда ўлим шарпаси кезади, сен огоҳлик истайсан. Осмонда саодат сабоси эсади, масрурлик умидида кўкка боқасан. Тупроққа кўмилгай қуллик қиёфаси, фазоларга парвоз этгай эрк аталмиш руҳ. Оёқларинг ерга михланганми, тупроқни қучасан, аммо кўнглинг қанот чиқариб самоларда учса озодлик, дея ҳайқирасан. Ерда томир отгач, осмон кўксида яшил барглар ёзасан тириклик илинжида. Аслида, еру осмон зарраси сенда мужассам. Сен бир заррасан бутунлик ва танҳолик ибтидо-ю интиҳосида.
Муслима Ҳамроз
31.07.2025 йил