Баҳорга айланиб…

Бодом новдасидан қиёлаб боқиб,
Баҳорга айланиб қолгим келади.
Нурли ирмоқларда пилдираб оқиб,
Сабо қанотида хаёл елади.
Кўклам гулларидай оламга боқсам,
Соғинчли бағримга ифор тўлади.
Ва гулгун кўксимга лолалар тақсам,
Товоним қитиқлаб майса кулади.
Баҳорий гўзаллик кўкламни алқаб,
Сурурваш дамлари ҳижо сўйлайди.
Қалбда меҳр қуёши порласа балқиб,
Ошуфта дилларни баҳор сийлайди.

Муслима Ҳамроз
25.02.2023 йил