Нечун

Ҳайрона кўнглингни қулфлаб қўйгансан,
Ҳеч ким киролмайди остона ҳатлаб,
Ўзинг чиқолмайсан, маҳзунсан нечун?

Бегона оламдан безиб, тўйгансан,
Беҳудуд дунёни қиласан талаб,
Чирпирак айланар безовта очун.

Саёҳат чоғини кутиб толдингми,
Дарпарда ортидан ётсираб боқдинг,
Эрксевар кўнглингга етасан қачон?

Ишқ ёндирган чоғдан сабоқ олдингми,
Чиқиб кет! Самолар дарчаси очиқ,
Қалб ичра ўзингни топмоқлик учун.

Муслима ҲАМРОЗ
09.08.2026 йил