Маҳзун

Дунёнинг ғамига чўккан чоғларга,
Ўкиниб етмоқ-чун ночор чоғландим.
Баландлаб ғўддайган олис тоғларга,
Елкамни тутганча нечун боғландим.

Не бўлган тушдаги сассиз хаёлга,
Зулматдан безидим, тонгни уйғотдим.
Кулфатдан эгилган ёрқин ҳилолга,
Кўнглимни илганча маҳзун уйғондим.

Қалбимни йўлладим олис маъвога,
Сафарга чорлади, вақтни қизғондим.
Тавалло айладим ёлғиз Мавлога,
Ёрқинроқ нурларин наҳот қизғонди.

Муслима Ҳамроз
16.12.2024 йил