Хаёл осмони. Қатралар

• Қалбим кенгликлари оламнинг чексиз ва беғубор ҳудудларига туташиб кетгай, хаёл осмонида;
• Аллоҳга шукр, ҳаёт кечмишим сипо, бироқ қалбим қўрғони муҳташам;
• Умрим йўлларида машаққат излари ҳамон қадам-бақадам азобланади, кўнгил кўчаларида эса сабот тобланади;
• Хаёлот тўфонидан омон чиқмоқ, ҳаёт ҳикматини англамоқ ва ҳақиқатнинг ёрқин йўлини адашмай топмоқ умидида китобдан таралаётган нурга боқаман;
• Шоир чизмоқда олам тасвирин, тасаввури гўзал нурқалам, ҳайрат-ла боқсанг ранглари жилоси кўзларинг аксида порлар;
• Гўзаллик сийратини қалбан ҳис этиб, эзгулик сувратига руҳан эврилиш мумкинми?!
• Қанийди, оби ҳаёт ишқини ичган булутларни сабо қанотларида чорлай олсам. Сўз дурлари ёмғирини кафтимда ҳовучлаб, қалбим кўзасини тўлдиргим келади.

Муслима Ҳамроз
13.02.2023 йил