Кўнглим

Шамчироқ шамга кўнгач,
Шамсивор чатнар кўнгил.
Кўшкига маҳзун қўнгач,
Кўк сари кўчар енгил.
Ҳилолга менгзаб учгил,
Воҳ, кўнглим-а, кўнглим.

Фитратда тўфон сўнгач,
Қаламга изҳор сунгил.
Оташин чўғга дўнгач,
Чароғон нурга тўлгил.
Борлиқни суюиб қучгил,
Оҳ, кўнглим-а, кўнглим.

Соғинчдан тониб тингач,
Ўт ўйнаб, гурлаб ёнгил.
Чақмоқдай чақнаб сингач,
Кўзёшдан тўйиб тонгил.
Сўзтумор зулфин очгил,
Эҳ, кўнглим-а, кўнглим.

Оламни дилга кўмгач,
Мол-дунё ғамин чекма.
Парвоз эт нурга чўмгач,
Лек, асло, тубан чўкма.
Ишқ тотин қониб ичгил,
Эй, кўнглим-а, кўнглим.
Муслима Ҳамроз
31.01.2025 йил
Изоҳ: дўнган-айланган