Гулпарча

Осмону ер аро туташганда йўл,
Булутнинг томчиси музлар беғубор.
Пардек қор ёғганда учиб ўнгу сўл,
Бойчечак баҳорин кутар интизор.

Осмондан ёғмоқда парча-парча гул,
Нақшлари бетимсол, оппоқ-оппоқ қор.
Ўзгача суратда пайдо бўлар ул,
Гулнишин кўркида поклик тафти бор.

Қор чорлаб тўлолсанг гўзалликка тўл,
Оташин туйғулар топмасин озор.
Оловқалб гулхани шаррор сочса мўл,
Гулсийрат оппоққор йўллайди изҳор.
Муслима Ҳамроз
19.02.2024 йил