Адашган

Оҳу кўзларингда мунгли бир ҳадик,
Жароҳат етдими сенга оҳужон.
Эрк истаб елдингми чиқариб қанот,
Титроқ туйғуларга тўлдинг оҳунжон.
Оҳу кўнглим сергак бўлолмас нечун,
Ёвузлик қўрқувин енголмас нечун?!

Ёрқин нур излайсан атроф қоронғу,
Ичиккан кўнгилдек маъсум, ёҳужон.
Абадий дунёда бир дам адашган,
Кечиккан ҳаётдек чўчир, эҳ у жон.
Оҳу кўнглим хушёр бўлмоғи учун,
Шам ёқолсам нурга тўлмоғи учун.

Муслима ҲАМРОЗ
09.01.2026 йил