Ҳақиқат ва адолат чизиғи (мулоҳаза)

Нормал-ҳақиқат, перпендикуляр эса адолат чизиғига ўхшайди. Нормал ётиқ чизиқ бўлса-да гўё тийрак ва ҳақиқат ҳукмига тўла ҳикмат тасвири. Перпендикуляр тик чизиқ бўлса-да воқеа, ҳодиса, вазият тақозосига кўра қияланиб туриб ҳам адолат ўрнатиш мавқеига эга ўткир тиғ мисоли. Уларнинг мужассамлигида ҳосил бўладиган бурчак инсоннинг ҳуқуқ ва бурчи меъёрини ифодалайди.

Ҳуқуқ ва бурч орасида адолат чизиғи посанги кабидир. Аммо, меъёр бузилишига олиб келувчи ҳар қандай оғишлар қинғирлик ҳисобланади. Унутилган бурч туфайли ҳуқуқ талаби ҳаддидан ошаверса ҳам, ҳуқуқни поймол этувчи бурч юки ҳаддан зиёд босиб эзаверса ҳам адолатсизлик авж олаверади. Адолат чизиғининг ҳадни ўз ўрнида тутиб тура олиши айни ҳақиқатдир.

Ҳар қандай ноқонуний оғишлардан инсонларни хушёрлик ва ахлоқ қутқаради. Ҳақиқат ва адолат қонуни ҳаёт тарозисининг меъёр мезонида мужассам эмас-ми? Тарози мувозанатини бузмаслик учун унинг ишонарли ва аниқ меъёр тошини тўғри танламоқликнинг аҳамияти беқиёсдир. Адолат ўрнатиш учун ҳақиқатга таяниш шарт.

Муслима Ёдгорова  23.04.2020 йил