Куздайин…

Сенинг йиғинганинг кузга бир армон,
Кетяпсан оламни қалбингга юклаб.
Томонлар тортишса истагинг фармон,
Боравер кўнгилда ғуборни поклаб.
Йўл айро, шохланиб тургандек йўлак,
Сездингми, куздайин туйғулар бўлак.

Менинг тўкилганим сен учун ёлғон,
Талатўп дунёинг бўларми тиклаб.
Оқолмай тўлғондим бардошим тўғон,
Кузакка юзландим бағримни чоклаб.
Изларинг тўзийди, ичикар фалак,
Дуогўй куздайин тўлишар тилак.

Муслима ҲАМРОЗ
08.11.2025 йил