Ўзгача…

Баъзан дарча очилар, боқаман ҳайрон,
Ғала-ғовур товушдан чўчийман, ишон.
Елкамга ортмоқлаб бу дунёнинг юкин,
Оламимга шўнғийман ўзгача, сокин.
Огоҳ этгин ё Тангрим садоқат сирин.

Баъзан кўзгу жимирлар, тасвирлар бийрон,
Кўзлар тонгай нигоҳим, санчилиб гирён.
Ғира-шира қоплайди борлиқни секин,
Феруз қалбга чўмгайман ўзгача, тўкин.
Иқрор этгин ё Тангрим,
саодат яқин.

Муслима ҲАМРОЗ
17.02.2026 йил