Соғинсам…

Соғинаман ирмоқни, дарё, булоқни,
Кўнглим тўфонида оқар пўртаниб.
Хаёл гирдобида қийнар қирғоқни,
Сокин сойда оқиб кетган ўртаниб.
Суюнчга айланиб кетолсам керак.

Соғинсам шудрингни, кетолмам нари,
Гулим юзида дур, акс этар чил-чил.
Субҳидамда чопаман майсазор сари,
Кипригим учида милтирар томчи.
Севинчга айланиб кетолсам керак.

Соғинч қийнайверар ариқ бўйида,
Ялпиздай ниш урган нофармон ифор.
Чашмим тўлиб тошар ишқинг кўйида,
Муҳаббат қалбимнинг сийратида бор.
Соғинчга айланиб кетолсам керак.

Муслима ҲАМРОЗ
20.09.2026 йил