Устоз

Устозни улуғлаб сўз битар бўлсанг,
Сўзларинг улғайиб топади камол.
Устознинг меҳрига қониқиб тўлсанг,
Билимлар баҳрига топгайсан тимсол.

Устозга пешвоз чиқ, қўлга ол китоб,
Ўзлигинг англайсан ўқиган сари.
Қалбингни уйғотар, ўгити – хитоб,
Ўткинчи ҳаваслар саробдир бари.

Устозни эъзозлаб эзгу сўз айтсанг,
Йўлларинг райҳонлар ҳидига тўлгай.
Ҳикмат бўстонига чин дилдан қайтсанг,
Умринг зиё ичра нурафшон бўлгай.

Муслима ҲАМРОЗ
30.09.2026 йил