Кўзларингда нам

Йўқ йиғламайман, бўлди бас! дейсан,
Кипригингда нам милтирар нечун.
Ночор қолдингми, тинмай
ғам ейсан,
Ҳатто азобдан хўрсинар очун.

Ўкирмоқ бўлсанг, йиғлайди осмон,
Бардошинг яширар метиндай кучин.
Бугун кузакнинг ранг-рўйи сомон,
Кўнглингни бўшат, тўлмоғи учун.

Йиғла тўйгунча, кўнглинг тўлгунча,
Кўклаб чиқарми ишқнинг чечаги.
Минг йиллар ўтди тайёр бўлгунча,
Қалбинг ўзгача, эмас кечаги.

Кўнгил йиғлайди, кўзларингда нам,
Шохин эгар тол, барглари мажнун.
Гул япроғида дурдайин шабнам,
Ёмғир томчиси титрайди
маҳзун.

Муслима ҲАМРОЗ
31.10.2026 йил