Коинот

Коинот қафасида мавжудот бари,
Зарранинг заррасида яшайди олам.
Яширин теграсида уммоннинг сири,
Ҳудудсиз поёнида руҳзабон қалам.

Тўзғиган тўфонида тошганда қаҳри,
Ўпқондек тузоғига қўярми қадам.
Нур бўлиб балқигайдир зиёбахш баҳри,
Ишқига ошноликни истайди одам.

Қафаслар қаватида мавҳумот сеҳри,
Ўлимга топилмагай ҳаётбахш малҳам.
Қалбларда яралгайдир яратган меҳри,
Муҳаббат бўстонида гуллайди гил ҳам.

Муслима Ҳамроз
31.03.2024 йил