Баъзан, аввал…

Баъзан, аввал либосингга боқурлар,
Гўё, маъно-мағизингни чақурлар,
Адаштирар суратинг.

Сўнгра эса кўзларингга боқурлар,
Ўзлари гар бўлмасалар сўқирлар,
Сезгайдирлар журъатинг.

Сўзларингни дор ипига тақурлар,
Саралаб сўнг, сукутларда ёқурлар,
Бекоргина – кудратинг.

Навбат етса қалбингга ҳам боқурлар,
Истасалар не-не маъно уқурлар,
Англагайлар қудратинг.

Муслима Ёдгорова