Нома

Тошдаги битиклар хўрсинар оғир,
Пешона қадарга этмас маломат.
Тери-ю ёғочда битиклар қолди,
Истасанг ғойибдан келар аломат.

Смартфонда “гуглнома” битаман бугун,
Тугмача ҳарфларга йўллар ишорат.
Монитор ёришгай сўзларни ёқиб,
Ҳис-туйғу дардини айлар башорат.

Қаламсиз, қоғозсиз ёзмоқлик мумкин,
Нур сочган изида бордек ҳарорат.
Туйғуни чархлайди, авжида суҳбат,
Кўнглингга кўчади ёрқин маҳорат.

Рақамли кўзгуга айланди дунё,
Тасаввур чоғида топсанг ҳаловат.
Овозинг созлайди, буйруғинг вожиб,
Бу фазо буржида яша саломат.

Муслима ҲАМРОЗ
12.01.2026 йил