Томчи қўшиғи

Ёмғир томчисида ажаб изтироб таъми,
Борлиқ ичаверган сайин тўлишиб қолгай.
Кўкдан тўкилганда сирқиб булутнинг жоми,
Япроқ титрайвериб намчил бандлари толгай.
Кўнгил ювавергай чангу ғуборин тиниқ,
Хушнуд тинглайверса томчи қўшиғин интиқ.

Ёмғир томчисида кўркам туйғулар тўкин,
Олам кўзгусида жилва этгайдир яшнаб.
Булут залворида дурлар тўкилар секин,
Сероб зарралар-ла кўксим жилғасин хушлаб.
Қалбим ҳавзасида денгиз тўлқини тошгай,
Мовий фазосида нурваш ёмғирлар жўшгай.

Муслима Ҳамроз. 28.03.2022 йил