Ҳаёт нақши

Жонажон Ватан бу гўзал маконим,
Кўксингда улғайдим, ришта боғланди.
Истиқбол сари бордир имконим,
Меҳрингга талпиндим, кўнгил чоғланди.

Гўзал бу маконим, ватан жонажон,
Яшнаган гўшангда гулладим чандон.
Қалбимга сиғгайдир жумлаи жаҳон,
Бағрингда ҳаловат тополсам чиндан.

Жонажон Ватан бу, гўзал маконим,
Ҳар зарранг кўзимга бўлгай тўтиё.
Юрагим сархуш, жўш ургай қоним,
Садоқат нидоси, иймон онти ё.

Гўзал шу маконим жонажон ўлкам,
Муқаддас ватанга умрим бахшида.
Жамолинг порласин янада кўркам,
Ўз юртин севмоқлик ҳаёт нақши-да.

Муслима Ҳамроз. 21.09.2022 йил.