ЗАНГОР ТУЙҒУ

Безовта не туйғулар

йўлимни тўсгай,

Аслият озорланиб

тилдан озса ўз.

Биламан йўллар тўшаб

майсалар ўсгай,

Гар огоҳ назари-ла

боқса тийрак кўз.

Тўфонлар дилдан тошса насимлар эсгай,

Ошуфта кўнгилларга

йўллаб эзгу сўз.

Бир қучоқ умид беринг бағримга босай,

Орзу-ю тилакларим

оламга сўзлаб.

Сўзларим зангор туйғу тўшига осай,

Қалбимнинг сукунати ўртанса бўзлаб.

Чор тараф ифор сочса  хушсабо эсгай,

Қалбимда ороланган

оламни кўзлаб.

Муслима Ҳамроз

4.06.2023 йил