ВУЛҚОНГА АЙЛАНГАЙ

Зилзила титратган тоғга қиёслаб,

Вулқонга айлангай юрагим маним.

Сочилиб кетгулик чоғга қиёслаб,

Соврилган пайтларда инграйди таним.

Бир чимдим сачраган

доғга қиёслаб,

Кўксимни тинимсиз

тирнайди ғаним.

Янгидан кўкарган боғга қиёслаб,

Кўкламий туйғуга бўлсайди таслим.

Оташда қийналса озурда жоним,

Куйдирар дарди о, гоҳга ўхшайман.

Васила илинжи умидим, шоним,

Нурларга чайилган моҳга ўхшайман.

Ишқ майи рангида қайнайди қоним,

Руҳимни чорлаган оҳга ўхшайман.

Сайёҳлик мақомин қўмсар ҳар оним,

Кўнгилга равона роҳга ўхшайман.

Муслима Ҳамроз

4.06.2023 йил