Кўнгил

Сабо эсганида саболангайми кўнгил?
Наво таралганда наволангайми кўнгил?
Гуллар бўй таратганда ифорлангайми кўнгил?
Меҳрли ришталардин оҳорлангайми кўнгил?
Булбул ноласи ичкаридадир,
Нурлар толаси ичкаридадир.

Мудом яхшиликка ошнолик этгайми кўнгил?
Муроду мақсадга инжиб етгайми кўнгил?
Фикрат уммонида ҳамдам сузгайми кўнгил?
Ғараз, кибр ўйинин атай бузгайми кўнгил?
Гар, беғуборлик ичкаридадир,
Ҳам ишққа ёрлик ичкаридадир.

Рашк азобларидан озорлангайми кўнгил?
Дийдори ишқида ёр зорлангайми кўнгил?
Шодиёнага дилларда жам шодлангайми кўнгил?
Туйғулар турланиб шамшодлангайми кўнгил?
Демак, ишқи асл ичкаридадир,
Энди айни васл ичкаридадир.

Муслима Ёдгорова 23.12.2017 йил.