Нурга тўлгил

Кўнгил тўлсанг-да ҳарчанд тўкилма зинҳор,
Ичкарига оққали оқимлар топгин.
Изтиробинг ҳеч кимга этмагин изҳор,
Оғриқларни таққали тақимлар топгин.

Кўнгил сўлсанг-да бир дам хорланма асло,
Ишқ жомидан қониб нўш айлагил, майли.
Уйқу элтган дилларга зорланма асло,
Яшармоқ хушёр кўнгил тилаги, майли.

Кўнгил кулсанг-да қувнаб шодлик йўсини,
Сурурваш дамларингнинг қурбони бўлгил.
Эзгу ўй-у фикрларинг иймон тўсини,
Яхшиликлар таратган нурлага тўлгил.
Муслима Ёдгорова