Дунё

Бақамти оламларда ҳаёт ўзгача,
Ҳар думалоқ зарранинг бори-зори ишқ.
Мавҳум не сирлар кўчгай кўздан кўзгача,
Думалаб оқса ёрқин нурга қоришиқ.

Айланиб дув оқади вақтнинг шуъласи,
Тинмайди, айланади яна ғилдирак.
Чорлар қайтолмаган не ғулғуласи,
Ўтмиш-у кеажакдан берсада дарак.

Тўгарак бу дунёни хаёлан қучсанг,
Шамойил моҳиятга эврилиб қолгай.
Чексиз вақт уммонида томчидек кўчсанг,
Қайтмоқ маъвосин қалбинг қатига солгай.

Томоша қил чархпаак урганида чарх,
Лек, бошинг айланмасин, айланса дунё.
Ўқ йўллайди эгилиб турганида чарх,
Ўзлигингга қайт, сен учун шайланса дунё.
Муслима Ёдгорова