ТУШЛАРИМ БЕДОР

Уйқучи тун бедор, тушларим бедор,

Ўтмиш хотиралар

ғарқ бўлган кўлда.

Сокин сузиб борар  қайиқлар қатор,

Уйғоқ кўнгил маъюс эшади эшкак.

 

Ухлолмаган ҳислар

бўлгайми мадор,

Фламинго парвози

тасвири дилда.

Узун қанотлари

товлангай рангдор,

Шудрингтўш булутга сўйлайди эртак.

 

Сув тўлқини узра

жимирлар дийдор,

Кумуш ой нурлари

созланса куйда.

Бастакор тасаввур

уйғонса тагдор,

Шамолга сочилиб кетгайми ҳуркак.

 

Кунларнинг мазмуни

ёғдуга ҳақдор,

Тунларнинг ташвиши нурсочқи ўйда.

Тушларнинг шархини

илмоққа йўқ дор,

Хотирот уйғониб

бўлгайми тиргак.

Муслима Ҳамроз

10.12.2023 йил