Кўнгил сўранг

Тану жон ичра кўнгил чўкмасин асло,
Кўнгилни кўтаринг сиз меҳрингиз сўзлаб.
Оғриниб ғамдан андуҳ чекмасин асло,
Юзланинг сиз кўнгилга қолмасин бўзлаб.

Қовжираган гул каби кўнгил сўлмасин,
Кўнгилларни яшнатинг яхшилик қилиб.
Жавобсиз саволларга мулки тўлмасин,
Кўнгилни жондан сўранг дардини билиб.

Кўнгил сузмоқ истаса поклик уммони,
Ва, мусаффо туйғуда муаллақ учгай.
Хотиржам макони ўз кўксинг-иймони,
Ранж чексанг юксалиб, кенг самони қучгай.

Муслима Ёдгорова. 27.04.2017 йил.