Мангу жанг

Ним қизарган офоқюзда шафақнинг ранги, 

Кулгичида ийманади қип-қизил ғунча. 

Тунларида порлаб турар ишқининг жанги, 

Кўзгу тутиб жилмаяди, нурвахш бир кулча. 

Кўҳна дунё мангу жумбоқ, яраси янги, 

Ёр жамоли руҳ қушини чорлайди бунча. 

Ҳар бир қалбда ишқ уфқининг отади тонги, 

Коинотнинг ҳар бурчида хазина хумча. 

Ҳусну камол латоифдир топилмас тенги, 

Олам мулки ошиқ учун сирли тугунча, 

Юзу қалбнинг тимсолини яратмиш Тангри, 

Ичу ташни синайверар дунё тургунча. 

Муслима Ҳамроз 

24.01.2024 йил