Ёмғир сайри

Соябоним дилдирайди ёмғир остида,
Зирқирайди, томчи томиб тинмай савалар.
Думалайди томчи намчил гумбаз устида,
Хўрсингайми оғир ҳаво, ёмғир севалар.

Чақмоқ чақар булутлардан учқур қасида,
Ёмғир ёғар. Ювгай чақнаб кўнгил ойнасин.
Ёғаверсин замин юзин поклаш қасдида,
Ғуборлардан тозалайди осмон сийнасин.

Ёмғир сайри бир баҳона билсам аслида,
Ёмғир куйин тинглай-тинглай ўйга ботаман.
Шудринг ичиб гул титрайди булбул васлида,
Ёмғир тинмас, тиниқ томчи таъмин тотаман.
Муслима Ҳамроз
30.10.2024 й