Дорнинг оғочи

Ичингда титрайди дорнинг оғочи,
Чириган арқонин
тортсанг авайлаб.
Алдоқчи туйғулар сотқин, айғоқчи,
Ғирчиллаб асабинг бузар атайлаб.

Ичингда тўсинми дорнинг оғочи,
Қароғинг тўсади боғич пайпаслаб.
Ваҳима қувлайди, хаёл шошади,
Тубанлик остига чўкканда пастлаб.

Ичингда гулласа дорнинг оғочи,
Кўкарган бағрингда ўлим шарпаси.
Нафасинг учади дордан баландроқ,
Сўнгги нота чалгач ҳаёт арфаси.
Муслима Ҳамроз
10.02.2025 йил