Қор

Уммон чаяр ўз-ўзини самога боқиб,
Совуқ қотган дийдасида
сирғалар булут.
Ҳаво учар майда-майда
қорпарча тақиб,
Қуёш тиғи тафтишлари
бўлгайми унут.
Оппоқ қорни соғиндингми, беғубор қорни,
Қалбга ёққан қорни дея қийнама ёрни!

Зумрад осмон аксин ичар ложувард уммон,
Қайларгадир сузиб кетса ўткинчи булут.
Ёруғ туйғу мавжланади инжитиб ҳамон,
Ишқ учқуни гулхани ҳеч бўлгайми унут.
Оппоқ қорни соғиндингми, беғубор қорни,
Ҳур кўнгилда мусаффолик истаган ёрни.

Муслима Ҳамроз
11.02.2025 йил