Вақт қизғанчиқ

Кўнгил ипак, ул майин маъво,
Шеър қуйилар, лавзига маҳтал.
Тўлиб тошар бир ирмоқ бўлиб,
Дил тўлғаниб жўшгани маҳал.

Нажиб сўзлар учқур-у бедов,
Гулболидан шимади асал.
Гўзалликка парвона бўлгач,
Вақт қизғанчиқ, бегона пайсал.

Ортмоқлайди нозанин юкин,
Дил мулкига сочмоғи маҳол.
Ёлғиз қолгач хаёл чирмовиқ,
Унмоқ завқин қўмсайди алҳол.
Муслима Ҳамроз
07.05.2025 йил