Фалакнинг қирғоқларида

Ям-яшил бир кўклам чорласа сени,
Қуёш ярқирайди япроқларида.
Кўнглимга сочилган томчилар жола,
Илдизим улғаяр туфроқларида.

Ташналик ортидан булутлар сузса,
Ҳовучим уммоннинг ирмоқларида.
Кетмоққа шайлансам дунёдан кечиб,
Изларим фалакнинг қирғоқларида.

Интернет тўрида тасаввур ёди,

Одамзот тутқунми сиртмоқларида.

Ажабо, саёҳат алдови сўнгсиз,

Ҳаёт оқаётир тармоқларида.

Чексизлик чорлайди саргардон кўнглим,
Борлиғим хаёлот қармоқларида.
Ҳаётнинг соғинчи меҳримга ташна,
Дунёнинг бут бўлмас ямоқларида.

Муслима ҲАМРОЗ
23.10.2025 йил