Япроқ

Дарахтдан узилган ҳар битта япроқ,
Кечаги кунимни бир-бир эслатар.
Шамол сочларига ёйилган титроқ,
Кўнглимга жамланиб эсгайдир сарсар,
Бахшида этарми ҳаёт куйини.

Субҳидам янграйди дилтортар ушшоқ,
Ёмғирни соғиндим, булутлар қайсар.
Шудринг милтирайди, томчидай ушоқ,
Тун сирққан гулобин ичади майса,
Ғуборлардан аритгай кўнгил ўйини.

Чақмоқни кутаман,кулгуси қайроқ,
Нур шимган камалак етти ранг тарар.
Коинот мавҳум сир,ошкори камроқ,
Дарчалар ортидан жилмайиб турар,
Кузатиб толмайди қалбим уйини.

Муслима ҲАМРОЗ
04.12.2025 йил