Қоронғу

Қоронғу. Деразадан мўралар қўрқув,
Чарсиллаб кетгай кўзгу синиқ кўнгилда.
Парча-парча сочилгай тасаввур гангиб,
Азоб қийнар тушингда, яна ўнгингда.

Ланг очилса ойналар ташқарида тун,
Чўғ қизариб ёнган нур
изи кўнглингда.
Кетолмайсан узилиб, ришталар тугун,
Ичкарида олов ёқ, ўтга
кўнгин-да.

Қора шарпа тусмоллар йўлингни пойлаб,
Хушёр бўлгил, курашиб, ғовни енггин-да.
Зулумотдан нур излаб топдинг-ми чора,
Ёлқин тонгни ёритгай, гурлаб ёнгин-да.

Муслима ҲАМРОЗ
29.01.2026 йил