Менсизлик

“Тангрим, “мен”и йўқ де сўраганларга”
Шодмонқул Салом

Тангрим, мени йўқ де, ким сўрар бўлса,
Йўқсизлик боримни саргашта қилгай.
Танглик дунёсида мангуга ўлсам,
Қалбим туб-тубида исёни қолгай.
Чексизлик чорласа ичкари бедард.

Менсизлик ҳувиллаб, шовқинга тўлса,
Жимжитлик сукутда хаёлга толгай.
Ифор сочолмаган райхонлар сўлса,
Якдонинг ишқини кўнгилга солгай.
Чексизлик чорласа ичкари бир фард.

“Мен” ичра бегона унсурни солса,
Синалмаган хумдон озурда сингай.
Адашиб кетмаслик ҳадисин олса,
“Меним”дан воз кечгач, ғулғула тингай.
Чексизлик чорласа ичкари беҳад.
Изоҳ: “фард” – танҳо, ёлғиз.

Муслима ҲАМРОЗ
16.09.2025 йил