Чилла

Буржи “норий” ичинда кун тандири қизийди,
Ёз чилласи қирқ кундир, кундуз оташ пуркайди.
Олов нафас ҳавоси димоғни куйдиради,
Майсаларнинг сочига сариқ бўёқ суркайди.

Тупроқни хумдонида пиширади саратон,
Ўтлиғ назар оҳу бор, кўнгил шундан ҳуркийди.
Анҳор чўмилмоқ истаб шалолани чорлайди,
Офтобнинг тафти баланд, дилни нурга буркайди.
Изоҳ: “норий” – қип-қизил, ўтли.

Муслима ҲАМРОЗ
27.06.2026 йил