Шайдо

Воз кечмоқ мушкул иш, кўнгилнинг майли!
Тўхтагин! Жим туриб тин олгин майли.
Бўшлиққа айланиб қарагин тийрак,
Кўнглингни тозала чинни-чироқдай.
Ичингда порлагай эзгулик зийрак,
Чин йўлга чорлайди алвон байроқдай.

Покланмоқ машаққат — тангликнинг сайли!
Сўнг эса бошланар кенгликнинг сайли.
Покиза туйғулар уйғонар буткул,
Жаранглай бошлайди ботиний садо.
Ичкари товлансин, шамсивори бўл,
Муҳташам маъвога оламлар шайдо.

Муслима ҲАМРОЗ
12.09.2026 йил