Шамол

Шамол хуштагини чалиб увлайди,

Қанотини ёйиб учади шитоб.

Гўёки тизгинсиз вақтни қувлайди,

Ланг очиқ бўғзидан учади хитоб.

Ғалаён қўзғайди елканин очиб,

Безовта руҳларни чирпирак этса.

Ҳар ёндан симириб, тўймайди қучиб,

Шошилинч хабарлар маконга етса.

Шамолнинг сояси тўзон чизади,

Хаёлларим сочиб, қучади тинмай.

Муаллақ хаёллар маҳзун кезади,

Осуда кўнглимга етолсин синмай.

Ел-шамолга соврилган фикрлар унсиз,

Лек, қайта уйғониб, келгай овози.

Ҳувиллаб қолади дунёи-дунсиз,

Ҳилпирар туғсимон ҳар айтган рози.

27.07.2021 йил