Елвизак

Елвизак визиллаб еларкан,

Тортқилар дераза рўмолин.

Хонада ҳавони тиларкан,

Шувиллаб кўрсатар жамолин.

Пайпаслаб силайди ҳар ённи,

Кўчаверар такрор ва такрор.

Елка тутган тотли ҳар онни

Қувлаб-қувлаб этади иқрор.

Очиқликка суқар экан бош,

Ийманмасдан сочилиб учгай.

Йўлин тўссак тортмайди ювош,

Кўксин кериб соф ҳаво қучгай.

Елвизак бир елпиғич виз-виз,

Вақт суратин чизади оқиб.

Умринг кечиб қоларкан бир из,

Вақт кўксига қўйсанг гул тақиб.

24.08.2021 йил