Шивалар ёмғир

Тинмай шивалаб ёғмоқда, баҳор ёмғири,
Кафтимни тутаман жўшқин оқимга аста.
Зил томчилар тўлқинининг эсса ғир-ғири,
Кўнгил жилғасига туташ оқади даста.

Шаффоф зарраларнинг жола жимир-жимири,
Ҳавони тебратиб зимдан, ёйилиб кетгай.
Сон-саноқсиз томчиларнинг шивир-шивирин,
Ичолсам симириб мавжи қалбимга етгай.

Гулдирар кескир ўтинчин чақинга чоғлаб,
Момақалдироқ ялт этар ҳаддидан ошиб,
Ёғар ёмғир булутларнинг бағрини доғлаб,
Наҳот она ерни қўмсаб, йиғлайди тошиб.

Муслима Ҳамроз. 11.03.2022 йил