…бўларми?

Дунёнинг ташвишидан ортиб бўларми,
Елкага беташвиш юк ортиб бўларми?
Ғам-қайғу исёнини босиб ўтгайсан,
Умр йўлинг тошлоғини босиб ўтгайсан.
Заминдан ўзган вақтга етиб бўларми,
Саробга хеч изма-из етиб бўларми?
Издиҳом дарёсидан кечиб ўтгайсан,
Елканлар ҳимматидан кечиб ўтгайсан.
Мавлоси қўлламаса бажо бўларми,
Йўлига йўлламаса бажо бўларми?!
Ғовларни минг парчага бўлиб ўтгайсан,
Ишқталаб бир девона бўлиб ўтгайсан.

Муслима Ҳамроз
12.01.2023 йил