Такаллум

Шеър қуйилса, кўз ёшим дарё,

Ашъор шўнғиб ашкка ғарқ бўлгай.

Дард тўкилса ғам- дуддан айро,

Дил ўзани ҳузъуга тўлгай.

Тасаввурда гўзаллик пайдо,

Дил жамлангач, жавониб кулгай.

Такаллумга ошиғу шайдо,

Калом ишқи жилвасин кутгай.

Куйласа сўз, навоси найли,

Хассос кўнгил фазлини билгай.

Дуо тўла ижобат “файл”и,

Сўз гавҳарин умидбахш қилгай.

Сўзлар ичра сузмоқлик сайли,

Илҳом тиғи қаламни тилгай.

Маст қилгайдир сипқоргач майли,

Сўз туғросин кўнгилга илгай.

Муслима Ҳамроз

17.12.2023 йил