Оғир

Ер оғир яна туйғулар оғир,
Учмоқ истайди қафасдаги қуш.
Ўша қуш кўнглим, нолон-у сағир,
Қўрқув кўланка,кўринади қўш.

Бебош шамоллар тортқилар ғир-ғир,
Ҳувиллаб учса-да қўллари бўм-бўш.
Беркли маконнинг хаёли олғир,
Ҳатто тўр ичра оғринади туш.

Эрк истар эрса бўларми фориғ,
Учиб кетолса самоларга хуш.
Кишанбанд ўйлари ўткинчи оғриғ,
Енгил парвозга шайланганда ҳуш.
Муслима Ҳамроз
26.04.2025 йил