Илтижо

Бошингга келган ғам-қайғуни ғуссага тўйинган булут деб тасввур қилгин. Майли ёғсин, уни симириб қалбингни покла. Кўнгил синиқлари аён этаётган зуҳур кўзгусида Яратганга йўллаган илтижоларинг садосини англа. Шунда бу булутлар ўтмиш томонга сузиб кетаётганлигини кўрасан.  Ва янада хушёрроқ бўлгин тарқаб кетган булутлар ортидан таралаётган нурдан кўзинг қамашмасин. Ўткинчи дунёда сен ҳам омонат эканлигингни унутма. Аммо, фақат юксакка- зиёга интилишдан чекинма. Унутма, кўксинг осмонидаги булутлар сенга изтироб синовлари орқали йўллар машаққатини енгиб ўтишни ўргатади.

Муслима Ҳамроз
23.06.2023 йил