Февраль

Февралнинг осмони кенгайиб кетгач,
Бу галги изҳорин битар узунроқ.
Булутлар шошмасдан сирғалиб ўтгач,
Кўнгилга тўкади дардин ҳазинроқ.

Кабиса йилида тўлишиб етгач,
Ойдинда сочилган дамлар ҳузурроқ.
Кунлар ёришади нуркамон отгач,
Шу онлар туҳфаси наҳот ҳузунроқ.

Баҳорнинг уфқига тўрт томон ботгач,
Дақиқа суратин чизар маҳзунроқ.
Кўкламнинг сафосин интиқиб тотгач,
Кўнгилга кўчади олам фузунроқ.
Муслима Ҳамроз
11.02.2024 йил