Экспромт шеър

Кузнинг довонида толиқдинг недан?

Сезмасми тўлишиб йўлга чиққаним.

Кўнгил тўкилиб оғринар шундан,

Хассос туйғуларни излаб йиққаним.

Бир дарё оқади, халойиқ тўлиб,

Кимларнинг юзида заъфарон зоҳир.

Баҳорий довонлар борарми сўлиб,

Қуёшдан нур ичган эди-ку ахир.

Ҳар кимса кўнглига ғулғула солиб,

Сарҳисоб дамлари ёлғиз қўймайди.

Кузнинг чиройини кўнгилдан юлиб,

Оташ сандонларда янчиб тўймайди.

Югуриб кетяпти йўлларим чаққон,

Чарчоғим шамолнинг қанотларида.

Қиш орти баҳорга етарман қачон,

Ораста кузимнинг саботларида.

Муслима ҲАМРОЗ

19.11.2025 йил