Ҳуснингда бир ишқ

 Аёл, сенинг кўзларингда ишқ мўралайдир,

Ташна чашминг чароси порлайди қиё.

Маъсум назарингда рашк қуралайдир,

Гўзаллик қароғингга бўлса маҳлиё.

Ул ўт устида бодом қабоқ гуллайдир,

Унда киприк нишлари  посбон сафма-саф.

Малоҳатда яноғинг қирмиз қўллайдир,

Кулсанг ғунча ичинда ярқирар садаф.

Нафис ул ҳилқатингда иффат тугилгай,

Жамолингга таърифу тавсифлар ҳам шай.

Қошингнинг камонида ёйлар эгилгай,

Қаролиги тус бўяб керилгай атай.

Аёл, сенинг ҳуснингда бир ишқ яралгай,

Муҳаббат қўйнига чўкар телбалик ожиз.

Олам меҳварида ноёб наво таралгай,

Ҳаётнинг сўнгсиз тўлқини эмасдир бежиз.

Вафо, садоқатингга фусун ярашгай,

Кўҳлик чеҳранг кўркида аъло дудоғинг.

Зиёкор жилвалардан қалбинг ёришгай,

Ҳаё, ибо рукнида олсанг сабоғинг.

       Муслима Ёдгорова   02.03.2019 йил