Хат ёздим

Хат ёздим, қоғозқуш
қанотин қоқсин,
Парвози эслатар ҳуррият машқин.
Оқ қоғоз тимсоли кўнгилга оқсин,
Қаламдан тўкилгай битиклар жўшқин.

Хат ёздим ўзимга. Қалбимни ёқсин,
Сизга ҳам йўллайман фатхибахш тўлқин.
Кабутар кўнглимнинг эркига боқсин,
Гўзаллик мадҳини этгудай талқин.

Хат ёзсам, монитор сатҳида балқсин,
Тасаввур нурқалам жимирлар ёрқин.
Тўлқинга эврилиб
дур-гавҳар қалқсин,
Ҳикматлар кўнгилдан кўнгилга оқин.

Муслима Ҳамроз
08.10.2024 йил