Дилафзо

Кўнгилнинг ғорида шамчеҳра излаб,
Туртиниб, депсиниб бораркан одам.
Ўксинар нурафшон
ёруғлик истаб,
Зулумот тубига етгайми қадам.

Тубсизлик қийнаса бағрини ўртаб,
Кўзлари қамашсин, кул бўлсин алам.
Жарликнинг ваҳшати қақшатса итоб,
Тоғларнинг чўққиси чорлайди не дам.

Кумуш нур жилвасин йўллайди моҳтоб,
Кўнгилга бегумон нурёғду ҳамдам.
Уфқида порласин дилафзо офтоб,
Ич-ичдан чақнаса ёришгай олам.

Муслима Ҳамроз
08.10.2024 йил